पोखरा ।
नेपाल परिवार नियोजन संघ कास्कीले सोमबार २५ औं अन्तर्राष्ट्रिय युवा दिवस मनाएको छ ।

‘दिगो विकास लक्ष्य प्रगति र समृद्विः डिजिटल प्रविधिमा युवा पहुँच अभिवृद्वि’ भन्ने मूल नाराका साथ संघले युवा दिवस मनाएको हो ।कार्यक्रममा युवाका क्षेत्रमा कार्यरत युवा, स्वयंमसेवक र संघका कर्मचारीको सहभागिता थियो ।

कार्यक्रममा संघ कास्कीका सभापति नवीन सिग्देलले पछिल्लो समय डिजिटल प्रविधिको आकर्षण बढ्दै गएको जनाए । उनले परिवार नियोजन संघमा युवाको सहभागितालाई प्राथमिकता दिइएको उल्लेख गरे ।

संघका युवा किशोरी सदस्य कृषा सिग्देलको अध्यक्षतामा भएको कार्यक्रममा कोषाध्यक्ष विष्णुप्रसाद दाहाल र वरिष्ठ शाखा प्रवन्धक नवराज तिवारीले पनि बोलेका थिए ।