पोखरा ।
नेपालको लागि टाटा मोटर्सको एकमात्र अधिकारिक वितरक सिप्रदी ट्रेडिङ प्रालिले पोखरामा टाटाका एस फ्ल्याटबेड र सिएलबी विद्युतीय गाडीहरु सार्वजनिक गरेको छ ।

कार्यक्रम पोखरा उद्योग वाणिज्य संघका अध्यक्ष पवनकुमार प्रजापती, मदिरा वितरक एसोसिएसनका प्रमुख मनोजकुमार श्रेष्ठ तथा पश्चिमाञ्चल अटोमोवाइल एसोसिएसनका अध्यक्ष कृष्णप्रसाद श्रेष्ठ लगायत सहभागी रहे ।

कार्यक्रममा प्रजापतीले विद्युतीय गाडीहरुको फाइदा र सञ्चालन लागतका हिसाबले अत्यन्तै किफायति हुने विचार राखे । कार्यक्रममा यातायात व्यवसायी पनि उपस्थित थिए । टाटाका विद्युतीय गाडी खरिद गरेका ग्राहकहरुलाई साँचो हस्तान्तरण पनि गरिएको थियो ।