पोखरा ।
पोखरा महानगरपालिका १७ मा अवस्थित छोरेपाटन साकोसको सत्रौं साधारणसभा शुक्रबार भएकाे छ ।

समितिका अध्यक्ष रविरमण तिवारीले सहकारीहरु सहकारीको मर्म र भावनाअनुरुप चलाउनुपर्ने सुझाव दिए । वर्तमान सन्दर्भमा सहकारीप्रति जनमानसको दृष्टिकोण नकारात्मक भएको प्रति चिन्ता व्यक्त गर्दै खराब सूचीमा रहेका सहकारीहलाई कारबाहीको दायरामा ल्याउने दाबी गरे।

पोखरा २२ का वडाध्यक्ष हिमलाल बराल, पोखरा भ्यु पोइन्ट साकोसका अध्यक्ष मातृकाप्रसाद बराल, निलगिरी साकोसका सचिव तीर्थराज अधिकारी र शेयर सदस्य भुवानीप्रसाद पौडेलले शुभकामना मन्तव्य राखेका थिए।

कार्यक्रममा माध्यमिक, स्नातक र स्नातकोत्तर तहमा उत्कृष्टता हासिल गरेका सेयर सदस्यका छोराछोरीलाई सम्मान गरिएको थियो । स्नातकोत्तर तहतर्फ प्रदीप ढकाल र रोशन सुवेदी, स्नातक तहतर्फ सन्ध्या पौडेल, अस्मिता बास्तोला र सुदर्शन पौडेलले सम्मान प्राप्त गरे। माध्यमिक तहतर्फ असिम न्यौपाने, सुस्मिता बराल र ससिम खत्री सम्मानित भए ।

ज्येष्ठ सदस्य लछुमन बास्तोला, पदमपाणि ढकाल र जगनकुमारी गुरुङलाई सम्मान गरिएकाे थियाे । उत्कृष्ट कारोबारकर्ता सुवास पौडेल र उत्कृष्ट वचतकर्ता अन्जुमाया सुनुवार, गङगा प्रसाद रिमाल र शोभा के.सी छेत्री सम्मानित भए।

सभाले अध्यक्ष रविन्द्रराज बरालको अध्यक्षको प्रतिवेदन, कोषाध्यक्ष दिलबहादुर बराल र लेखा संयोजक चिन्तामणि शर्माको प्रतिवेदन सर्वसम्मतबाट पारित गर्‍याे ।