पोखरा । कुवेतका सवारी चालकहरुले लामो समयदेखि अस्वस्थ्य नेपालका एक सवारी चालकको उपचारका लागि आर्थिक सहयोग गरेका छन् ।

कुवेतमा सवारी चलाउने विकास नेपाली र रामचन्द्र गुरागाईको सक्रियतामा संकलित ७७ हजार रकम बिरामी सवारी चालक नरबहादुर थापालाई प्रदान गरिएको नेपाल यातायात स्वतन्त्र मजदुर संगठनका उपमहासचिव तथा गण्डकी प्रदेश इन्चार्ज विष्णुबहादुर पराजुलीले जानकारी दिए ।

संगठनको स्थानीय मिनी बस इकाइ सदस्य थापा प्यारालाइसिस भएर २ वर्ष देखि उपचारत छन् । संगठन स्थानीय मिनीबस इकाइ अध्यक्ष हरिप्रसाद बांस्तोलाले संगठन गण्डकी प्रदेश र इकाईको तर्फबाट चालक थापालाई पटक पटक गरी २ लाखभन्दा बढी सहयोग गरेको बताए ।

सहयोग हस्तान्तरण कार्यक्रममा संगठनका केन्द्रीय उपमहासचिव पराजुली, संगठन स्थानीय मिनीबस इकाईका अध्यक्ष बास्तोला, इकाइ कोषाध्यक्ष रामचन्द्र बास्तोलाले यातायात मजदुर थापाको उपचारको लागि धेरै रकम आवश्यक पर्ने भएकाले थप सहयोग आवश्यक भएको बताए ।