लेखनाथ । अन्तर्राष्ट्रिय लायन्स डिस्ट्रिक ३२५ आइ अन्तर्गत रहेको लायन्स क्लब अफ पोखरा राइजिङ सनले विद्यार्थीहरुलाई पोसाक वितरण गरेको छ ।

पोखरा महानगरपालिका वडा नम्बर २८ स्थित रत्नशोभा माध्यमिक विद्यालय माझठानामा बालबिकास कक्षादेखि कक्षा ६ सम्मका विद्यार्थीहरुलाई खेलकुद पोसाक वितरण गरिएको हो ।

स्विट्जरल्याण्डका एरिक र क्रान्ति गिरीको आर्थिक सहयोग, लायन्स क्लब अफ पोखरा राइजिङ सनको व्यवस्थापनमा पोशाक वितरण गरिएको हो । कार्यक्रममा पोखरा महानगरपालिकाका वडाध्यक्ष श्रीकृष्ण लामिछानेले पोसाक वितरण कार्यक्रमले यस विद्यालयमा अध्ययन गर्ने विद्यार्थीहरुको चातर्फी विकासमा टेवा पुग्ने विश्वास व्यक्त गरे । आगामी दिनमा विद्यार्थीहरुको अध्ययन कार्यमा रुचि जाग्नुका साथै परिणाममुखी शिक्षामा सफलता मिल्ने आफूलाई विश्वास लागेको सुनाए ।

जिल्ला कार्यकारी प्रमुख टंकराज अधिकारीले लायन्सले शिक्षा, स्वास्थ्य, वातावरण लगायत क्षेत्रमा सहोग गर्दै आएको जानकारी दिए । विद्यालय व्ववस्थापन समितिका अध्यक्ष एवं लायन्स क्लब अफ लेखनाथका अध्यक्ष कृष्णप्रसाद तिमिल्सेनाले पूर्वविद्यार्थीहरुले आफू पढेको विद्यालयलाई सम्झेर विद्यार्थीहरुलाई पोसाक वितरण गरेकोमा क्लबका अध्यक्ष सूर्य चपाईं लगायत सदस्यहरुलाई धन्यवाद दिए । बाँकी विद्यार्थीहरुलाई विभिन्न संघसंस्थाकोहरुको सहयोगमा वितरण गरिने सो अवसरमा अध्यक्ष तिमिल्सेनाले जानकारी दिए ।

प्रधानाध्यापक किरणबाबु न्यौपानेले पोसाक वितरण गर्ने लायन्स क्लब अफ पोखरा राइजिङ सन र आर्थिक सहयोग गर्ने डोनर एरिक र क्रान्ति गिरीलाई धन्यवाद दिएका थिए । शिक्षक अभिभावक संघका अध्यक्ष गोविन्द लामिछाने, विद्यालय व्यवस्थापन समितिका सदस्यहरु र शिक्षक अभिभावक संघका सदस्यहरुको समेत उपस्थिति रहेको कार्यक्रममा दाता क्रान्ति गिरीले यो कार्यक्रम यहाँ सम्म ल्याउन आफूलाई प्रेरित गर्ने क्लबका अध्यक्षलाई धन्यवाद व्यक्त गरिन् ।

डिस्ट्रिक एम्बेष्टर रोजी श्रेष्ठ, जोन चियर पर्सन युवराज खनाल लगायतले लायन्स क्लबले गर्ने मानवीय सेवा तथा समाज सेवाका कार्यहरुको बारेमा चर्चा गर्दै मानव जीवनमा धैर्य र अनुशासन महत्वपूर्ण हुने बताए ।

क्लबका अध्यक्ष सूर्य चपाईंले लायन्सको अध्ययन गरेको विद्यालयमा पोसाक वितरण गर्न पाउँदा धेरै खुसी लागेको सुनाए । कार्यक्रममा क्लबका पूर्व अध्यक्ष राजकुमार ढकालले स्वागत एवं कार्यक्रममाथि प्रकाश पारेका थिए । क्लबका सचिव अनिल कोइरालाद्वारा सञ्चालन गरिएको कार्यक्रम क्लबका संस्थापक अध्यक्ष एवम् कार्यक्रम संयोजक सूर्य चपाईंको अध्यक्षतामा कार्यक्रम सम्पन्न भएको थियो भने लायन वर्ष २०२४÷२५ का क्लबका अध्यक्ष अञ्जना गिरीको अगुवाइमा कार्यक्रम भएको कार्यक्रम संयोजक एवं क्लबका संस्थापक अध्यक्ष चपाईंले जानकारी दिए ।