पोखरा ।

काठमाडौंबाट पोखराका आइरहेको माइक्रो बस नुवाकोटको शिवपुरी जंगलमा दुर्घटना दुर्घटना हुँदा १२ जना घाइते भएका छन् । पृथ्वि राजमार्ग बस व्यबसायी समितिका अध्यक्ष योगेन्द्र केसीले पोखरा आउदै गरेको गाडी दुर्घटनामा परेको पुष्टी गर्दै थप विवरण लिने काम भैरहेको समाधानलाई बताए ।

झ्याप्ले खोलाका कारण पृथ्विराजमार्ग हुँदै आउन नपाएर नुवाकाेटको बाटाो पोखरा आउदै गरेको हायस गाडी सोमबार दिउँसो नुवाकोटको शिवपुरी गाउँपालिका-७ चापाबोटमा दुर्घटना भएको प्रहरीले बताएको छ । बस सडकबाट करिब ३० मिटर तल खसेको छ ।

सडकबाट खसेको ग १ ख ४५३५ नम्बरको गाडी खसेर रूखमा अड्किएको थियो ।

दुर्घटनामा घाइते भएका १२ जनालाई काठमाडौं लगिएको छ । घाइतेहरुको काठमाडौंको ग्रिनसिटी अस्पतालमा लगिएको छ।घाइते मध्ये २ जनाको अवस्था चिन्ताजनक भएको र उनीहरुलाई थप उपचारका लागि बी एण्ड बी हस्पिटल लगिएको पृथ्विराज मार्ग बस सञ्चालक समितितका अध्यक्ष केसीले बताए ।

यो सडकखण्ड काठमाडौं‌बाट नुवाकोटको त्रिशुली हुँदै गल्छी पुगेर पृथ्वी राजमार्गमा जोडिन्छ। झ्याप्ले खोला पहिरोका कारण नौबिसे-काठमाडौं सडक जाम हुँदा सवारीसाधनहरू वैकल्पिक बाटो (काठमाडौं-नुवाकोट-धादिङ) भएर जाने गरेका छन्।

यसअघि लमजुङ जाँदै गरेको बस दुर्घटनामा परेको भएकोमा क्षमायाचना गर्दै सच्याएका छौ– सम्पादक