पोखरा ।

राष्ट्रिय स्वतन्त्र पार्टीका सभापति रवि लामिछानेलाई पक्राउ गर्न कास्की प्रहरीले नेपाल प्रहरीको केन्द्रीय अनुसन्धान ब्युरो (सिआइबी) लाई पत्राचार गरेको छ ।

कास्की अदालतबाट रविलाई पक्रने अनुमति प्राप्त भएको उल्लेख गर्दै कास्की प्रहरीका प्रवक्तासमेत रहेका डिएसपी वसन्तकुमार शर्माले सिआइबीलाई शुक्रबार पत्राचार गरेका हुन् । कास्की प्रहरीले रविलाई पक्राउ गर्ने अनुमति कास्की अदालतबाट शुक्रबार नै प्राप्त गरेको हो ।

रवि पोखराको सूर्यदर्शन सहकारी ठगी प्रकरणमा जोडिएका छन् ।