समाधान संवाददाता, पोखरा

पुष्पाञ्जली इभेन्ट म्यानेजमेन्ट प्रालिको आयोजना र इन्द्रेणी एकीकृत विकास केन्द्रको सहआयोजनामा हुने तीज मेलामा छेलो प्रतियोगिता हुने भएको छ । भदौ १४ गते हुने छेलो प्रतियोगितामा प्रथम हुनेलाई ११ हजार, द्वितीयलाई ६ हजार र तृतीयलाई ३ हजार रुपैयाँ प्रदान गरिने संयोजक शोभा गौतमले जानकारी दिइन् ।

प्रतियोगिता तयारी सभामा लोपोन्मुख खेलको जगेर्ना हुनु सकारात्मक भएको भूतपूर्व खेलाडी मञ्च नेपालका अध्यक्ष तेजबहादुर गुरुङले बताए । सदभाव र सम्बन्ध बढाउने भएकाले प्रतियोगिता सकारात्मक भएको खेल संयोजक खेमबहादुर गुरुङले बताए । खेलकुद विभाग प्रमुख गेहेन्द्रमान श्रेष्ठले मौलिक खेलको विकासमा आयोजकले ध्यान दिँदै जाने बताए । मेला भदौ ११ देखि १७ गतेसम्म हुनेछ ।