समाधान संवाददाता

बेस्ट फाइनान्स कम्पनी लिमिटेड र नेपाल रेडक्रस सोसाइटी, कमलादी च्याप्टरबीच स्वास्थ्यसम्बन्धी जनचेतना अभिवृद्धिका कार्यक्रम गर्ने बिषयमा सम्झौता भएको छ । सम्झौतापत्रमा बेस्ट फाइनान्सका तर्फबाट प्रमुख कार्यकारी अधिकृत तोयराज अधिकारी र नेपाल रेडक्रस सोसाइटी, कमलपोखरी च्याप्टरका तर्फबाट सचिव माधव अधिकारीले हस्ताक्षर गरे ।

फाइनान्सले संस्थागत सामाजिक उत्तरदायित्व अन्तर्गत नेपाल रेडक्रस सोसाइटी, कमलादी च्याप्टरसँग स्वास्थ्यसम्बन्धी जनचेतना कार्यक्रम, रक्तदान कार्यक्रम, सामुदायिक विद्यालयमा अध्ययनरत छात्रालाई सेनेटरी सामग्री वितरण कार्यक्रम लगायत समाजमा स्वास्थ्यसम्बन्धी जनचेतना अभिवृद्धि गर्ने कार्यक्रम गर्नका लागि यो सहकार्य गरिएको फाइनान्सका प्रमुख कार्यकारी अधिकृत अधिकारीले बताए ।