समाधान संवाददाता

नेपालमा मंगलबार फेरि ११ जना नयाँ कोरोना भाइरस संक्रमित थपिएका छन । यो संगै नेपालमा संक्रमितको संख्या ३९० पुगेको छ ।

मंगलबार प्रदेश(१ मा थप ११ जना र ५ मा ४ जनाम व्यक्तिमा कोरोना संक्रमण देखिएको हो ।

संक्रमितहरूमध्ये झापाको कचनकवल गाउँपालिकाका ९ जना र सुनसरीका दुई जना छन्। त्यस्तै ४ जना कपिलवस्तुका हुन ।

सुनसरीमा देखिएका दुई जनामध्ये एक जना सशस्त्र प्रहरी हुन । झापामा थपिएका संक्रमितहरू भारतबाट आएका हुन्। सोमबार पनि गाउँपालिकाकै एक जना पुरूषमा संक्रमण देखिएको थियो।

यस अघि आजै कपिलवस्तुमा ४ जना संक्रमित थपिएका हुन्। उनीहरू जिल्लाको मायादेवी गाउँपालिकाका हुन्। उनीहरुलाई उपचारका लागि लैजाने तयारी भैरहेको प्रमुख जिल्ला अधिकारी दिर्घनारायण पौडेलले बताएका छन् ।