पोखरा ।
र्‍यापर आशीष राना उर्फ ‘लाउरे’ कास्की प्रहरीले चलाएको लागुऔषध विरुद्ध सप्ताहव्यापी कार्यक्रममा सहभागी छन् । गत पुस १४ मा उनी लागु औषध प्रयोगकर्ता भएको आरोपमा पक्राउ परेका थिए । प्रहरी नायब उपरीक्षक सुन्दर तिवारीले लाउरे प्रहरी नियन्त्रणमा आएदेखि नै सकारात्मक रुपमा प्रस्तुत भएको बताए ।

‘लाउरे सेलिब्रेटि जस्तो मान्छे, उनी भोलि समाजमा फर्केर पुन कुलतमा फसे भने हाम्रो गिरफ्तारीले अर्थ राख्दैन,’ उनले भने । लाहुरे ५६ दिनको हिरासतबाट छुटेको केही महिनापछि अभियानका लागि प्रहरी सम्पर्कमा आएका थिए । प्रहरीले ‘नो ड्रग’ भन्नुभन्दा ख्याति प्राप्त कलाकारले लागुऔषध विरुद्ध बोल्नुमा निकै प्रभावकारी हुने तिवारी बताउँछन् । यस्ता कार्यक्रमले नयाँ पुस्तालाई कुलतबाट बचाउन र हाल कुलतमा रहेका त्यसबाट मुक्त गर्न सघाउने उनको भनाइ छ ।

पोखराको मानव अधिकार चोकमा आइतबार साँझ लागुऔषध दुव्र्यसनमा परी ज्यान घुमाउनेहरुको स्मृतिमा दीप प्रज्वलन गरियो । शनिबार लाउरेले आफ्नो फेसबुक पेजमार्फत ‘बिरामी’ नामक गितको टिजर रिलिज गरेका छन् । गीत इडिटिङ भइरहेको र हप्ता दिनभित्रै आफ्नो युटुब च्यानलमार्फत सार्वजनिक गर्ने उनले समाधानलाई जानकारी दिए । लाउरेले यो गीत हिरासतमा रहँदा नै लेखेको डिएसपी तिवारीले जनाए ।