पोखरा ।

पोखराका पत्रकार ऋषिकान्त पौडेल नेपाल प्रेस युनियनको उपाध्यक्ष निर्वाचित भएका छन् । हेटौंडामा सम्पन्न युनियनको महाधिवेशनको आइतबार आएको नतिजा अनुसार पौडेलले ओमकार आचार्यलाई पराजित गरेका हुन् ।

युनियनमा ७ प्रदेशबाट ७ जना उपाध्यक्षको व्यवस्था छ । तर मत भने देशभरका प्रतिनिधिले हाल्न पाउने प्रावधान छ । नतिजा अनुसार पौडेलले तनहुँका आचार्यलाई पराजित गरेका हुन् । पौडेल कान्तिपुर टेलिभिजनका लागि पोखरा संवाददाता हुन् ।

महाधिवेशनबाट प्रेस युनियनको अध्यक्षमा शिव लम्साल निर्वाचित भएका छन् ।