पोखरा ।
नेपाली कांग्रेसले १० गतेदेखि देशव्यापीरूपमा सञ्चालन गर्ने ‘जनताको साथमा कांग्रेस’ अभियानका लागि कास्की जिल्लामा नेता प्रदीप पौडेल केन्द्रीय प्रतिनिधि बनेर आएका छन् । कास्की कांग्रेस सचिव भानु ढकालले उक्त अभियानका लागि नेता पौडेल ७ गते मंगलबार नै पोखरा आइसकेको जानकारी दिए ।

‘१० गते कास्की जिल्ला पार्टी कार्यालयमा पौडेलले जिल्लास्तरीय अभियानको उद्घाटन् गर्ने कार्यक्रम छ,’ ढकालले भने । उक्त अभियान अन्तर्गत कांग्रेसका नेता, कार्यकर्ता जनताकहाँ जाने र उनीहरुका समस्या तथ गुनासो सुन्ने कार्यक्रम छ । आउँदो चुनावलाई लक्ष्य गरेर कांग्रेसले यस्तो अभियान थाल्न लागेको हो ।