पाेखरा ।

पाेखराका पर्यटन व्यवसायीहरुकाे छाता संगठन पाेखरा पर्यटन परिषदकाे अध्यक्षमा पाेमनारायण श्रेष्ठ विजयी भएका छन् ।

परिषदकाे नयाँ नेतृत्व चयन गर्ने गरी विहीबार सम्पन्न १२ औं अधिवेशनमा अध्यक्षका प्रत्यासी पाेमनारायणले अर्का प्रत्यासी रामचन्द्र शर्माले भन्दा दाेब्बर मत पाएर विजयी बने । पाेमनारायणले २८ मत पाउदा भने रामचन्द्रले १४ मत पाए ।

पाेमनारायण निर्वतमान कार्य समितिमा उपाध्यक्ष थिए भने रामचन्द्र महासचिव थिए । अधिवेशनमा पर्यटन सम्बद्ध विभिन्न व्यवसायिक सस्थाका ४२ जना प्रतिनिधि सहभागी थिए ।

६ सदस्य रहने परिषद्मा कृष्णप्रसाद काफ्ले, तारानाथ पहारी, कृष्ण भण्डारी, जीवनराज सापकोटा, बबरजंग गुरुङ र निमबहादुर मगर निर्विरोध भएका थिए ।