पोखरा ।
कालिका बहुमुखी क्याम्पस काजीपोखरीमा आइतबार उद्यमशील साझेदारी कार्यक्रमको शुभारम्भ भएको छ । त्रिभुवन विश्वविद्यालय अनुदान आयोगका अध्यक्ष प्राडा देवराज अधिकारीले आइतबार कार्यक्रमको शुभारम्भ गरे । उनले शिक्षासँगै विद्यार्थीहरुमा उद्यमी कसरी बन्न सकिन्छ भन्ने सोचको पनि विकास हुनुपर्छ भन्दै कालिका क्यम्पसले आगाडि सारेको यो परियोजनालाई विश्वविद्यालयले सहयोग गर्ने बताए ।

विश्वविद्यालय अनुदान आयोग, अनुसन्धन तथा छात्रवृत्ति महाशाखाका निर्देशेक डा. प्रमोद पौडेलले विद्यार्थीहरु उद्यमी भए आफैले रोजगारी सिर्जना गरेर अरुलाई रोजगार दिने उल्लेख गरे ।

क्याम्पस प्रमुख विरन्जी गौतमले क्याम्पस्ले ल्याएको यो परियोजनालाई विद्यार्थीहरुले अवसरको रुपमा लिएर सदुपयोग गर्न सुझाव दिए । क्याम्पस सञ्चालक समितिका अध्यक्ष किरण केसीले उद्यमशीलताले विद्यार्थीहरुलाई रोजगारी खोज्दै भौतारिनुनपर्ने उल्लेख गरे ।

कार्यक्रममा पोखराका उद्यमीहरु काठमाडौं बेकरीका सञ्चालक रोशन महर्जन, स्टेसन फुड क्लब र ससेज पर्कका सञ्चालक आयुष श्रेष्ठ, महिला कृषि उद्यमी उषा पौडेलले उद्यमी बन्दा आइपर्ने कठिनाइ, सफलता लगायत विषयमा भनाइहरु राखेका थिए ।

कार्यक्रममा क्याम्पसका इन्क्युबियसन केन्द्रका स्रोत व्यक्ति विष्णु तिमिल्सिना सहायक क्याम्पस प्रमुख युवराज गुरुङ लगायतले बोलेका थिए । कार्यक्रममा क्याम्पसका प्राध्यपक, विद्यार्थी, कर्मचारी, सञ्चालक समितिका पधाधिकारीहरुको सहभागिता थियो ।