स्याङजाको भीरकोट नगरपालिकामा सुन्तला रोप्ने अभियान
पोखरा ।
स्याङजाको भीरकोट नगरपालिका ५ केराबारीमा सुन्तला रोपण अभियान थालिएको छ । अभियान कृषि तथा पशुपंक्षी विकास मन्त्री वेदुराम भुषालले सुरुआत गरे ।
मन्त्री भुषालले राज्यमा रहेका तिनै तहका सरकारले कृषि क्षेत्रमा जोड दिनुपर्ने बताए । उनले किसानको मुख्य समस्या बनेको बादर नियन्त्रणका लागि सरकारले योजना बनाएको उनले जनाए ।
मन्त्री भुषालले आर्थिक आम्दानीका लागि माछा, बाख्रा र कुखुरापालन, सुन्तला, कागती र व्यासायीक तरकारी खेती गर्न आग्रह गरे । जिल्ला समन्वय समिति प्रमुख श्रीप्रसाद जिटीले नेपालको बाँझो जमिनलाई व्यवस्थीत गरी कृषि गरेमा विदेशमा जान नपर्ने जनाए ।
परियोजना निर्देशक विनोदकुमार भट्टराईको अध्यक्षतामा भएको कार्यक्रममा सुन्तला सुपर जोन परियोजना कार्यान्वयन इकाइ स्याङ्जा प्रमुख माधव लम्साल, पूर्व वडाध्यक्ष यामप्रसाद अधिकारी, कृषि तथा पशुपंक्षी विकास मन्त्रालयका सचिव डा. गोविन्दप्रसाद शर्मा र भीरकोट नगरपालिकाका नगर प्रमुख गोविन्दकुमार कर्माचार्यले बोलेका थिए ।
तपाईको प्रतिक्रिया