पोखरा ।

राष्ट्रिय युवा संघ पोखरा १४ले वार्षिक कार्यक्रम अन्तर्गत वडाभित्रका दुई वटा विद्यालयलाई शैक्षिक सामाग्री वितरण गरेको छ । संघले शुक्रराज बलभद्र माध्यमिक र मसिना आधारभूत विद्यालयलाई शैक्षिक सामाग्री वितरण गरेको हो ।

कार्यक्रममा पोखरा १४ का वडा सदस्य गोपालप्रसाद सापकोटाले शैक्षिक सामाग्री वितरण गरेका हुन् । युवा संघले वार्षिक कार्यक्रम अन्तर्गत एकदेखि ५ कक्षाका २ सय २० विद्यार्थीलाई कलम, कापी, इरेजर र सापनर उपलब्ध गराएको संघका वडा सचिव दीपेश पौडेलले बताए ।

युवा संघले वडा भित्रै रहेको मसिनाआधारभूत विद्यार्थीलाई पनि खानेपानी डिसपेन्चर उपलब्ध गराएको छ । समाज सेवी तथा पोखरा १४ एमाले अध्यक्ष बटु कृष्ण कुँवर, बलभद्रका अध्यक्ष यज्ञश्वर पोखरेल र मसिनाका अध्यक्ष जगन्नाथ तिमिल्सिना संघले आयाेजना गरेकाे कार्यक्रममा सहभागी थिए । कार्यक्रममा युवा संघ प्रदेश कमिटी सदस्य एकेन्द्र कुँवर, युवा संघ पोखरा १४ का इन्चार्ज रबिन गुरुङ, अध्यक्ष गौतम सुनार र अन्य पदाधिकारीको उपस्थिति थिए ।