पोखरा ।
युनाइटेड क्लब पोखराले लागुऔषध दुव्र्यसन विरुद्धको अभियान अन्तर्गत लागुऔषधसम्बन्धी जनचेतनमुलक नेपाली चलचित्र सरी ममको विशेष सो आयोजना गरेको छ ।

पोखराको सभागृहचोकमा रहेको मिड टाउनमा भएको चलचित्र सरी ममको विशेष सोमा गण्डकी प्रदेश प्रहरी कार्यालयका प्रमुख प्रहरी वरिष्ठ उपरीक्षक सुदर्शन कोइरालाले मुलुकमा विभिन्न विद्या र क्षेत्रका चलचित्रहरु निर्माण भइरहदा लागुऔषध दुव्र्यसनीसम्बन्धी चलचित्रहरु निर्माण हुनु उदाहरणीय काम भएको बताए ।

चलचित्रका निर्माता विनोद लामाले पछिल्लो समय समाजमा लागुऔषध दुव्र्यसनी निकै बढेकाले त्यसलाई समेटेर निर्माण गरेको सरी मम चलचित्रको विशेष प्रदर्शनी आयोजना गरेकोमा क्लबलाई धन्यवाद दिए ।

युनाइटेड क्लबका अध्यक्ष राजु श्रेष्ठले एनएफआइ क्रियसनको प्रस्तुति रहेको चलचित्र सरी ममसँग सहकार्य गर्न पाएकोमा खुसी व्यक्त. गरे । समाजमा चेतना चलचित्रको माध्यामबाट जगाउन सकिने बताउँदै अध्यक्ष श्रेष्ठले यसअघि पनि विनोद लामाले निर्माण गरेको कखरा वृत्तचित्र प्रदर्शन गरिएको स्मरण गरे ।

कार्यक्रममा युनाइटेड क्लबका प्रथम उपाध्यक्ष गणेश तिमिल्सिनाले पनि बोलेका थिए ।