सरस्वती प्रतीक्षाको दोश्रो उपन्यास तयार, जेठ दोश्रो हप्तादेखि बजारमा
पोखरा ।
पोखरेली साहित्यकार सरस्वती प्रतीक्षाले दोश्रो उपन्यास लेखेकी छन् । मुक्तक, गजल र कवितामा जवरजस्त पहिचान बनाएकी प्रतीक्षा पछिल्लो समय आफूलाई उपन्यासकारको रुपमा स्थापित गर्दैछन् ।
पहिलो उपन्यास नथिया लेखेरे आख्यान लेखनमा प्रवेश गरेकी प्रतीक्षाले दोश्रो उपन्यासको नाम ‘स्व’ राखेकी छन् ।
मंगलबार (आज) विश्व पुस्तक दिवसको अवसरमा उनले नयाँ उपन्यासको कभर सार्बजनिक गरेकी छन् । दिउसो साँढे २ बजे तिर फेसबुकमा उपन्यासको कभर पोष्ट गर्दै उनले लेखेकी छन्– आज विश्व पुस्तक दिवस । यो खास दिनमा मेरो तर्फबाट एउटा खुसीको खबर… मेरो दोस्रो उपन्यास ‘स्व’ अब छिट्टै तपाईहरुको माझमा आउँदैछ……
बुक हिलले प्रकाशन गरेको यो उपन्यास जेठ महिनाको दोश्रो हप्ता विमोचन गर्ने तयारी भैरहेको उपन्यासकार प्रतीक्षाले समाधानलाई बताईन् । पहिले काठमाण्डाैं विमाेचन गरेर त्यसपछि गृहनगर पोखरामा विमोचन गर्ने योजना रहेको पनि उनले सुनाईन् ।
लेखिका प्रतीक्षाका अनुसार यो कृति यथार्थ र स्वैरकल्पना मिश्रित उपन्यास हो । यो उपन्यास लेख्न झण्डै २ वर्ष लागेको उल्लेख गर्दै उनले दुई वर्षदेखिको तपस्या पुरा हुँदा निकै आनन्द महसुस भैरहेको बताइन् ।
तपाईको प्रतिक्रिया