पोखरा ।

पोखरा १६, लामाचौरस्थित अल्फा बोर्डिङ स्कुलमा मिनी लिट्रेचर फेस्टिभल सम्पन्न भएको छ । फेस्टिभलमा साहित्य, संगीत र विज्ञान विषयक चर्चा भए । उक्त कार्यक्रममा भूपिन, गनेस पौडेल, सुनील उलक तथा त्रिवेणीले विभिन्न विषयमा चर्चा गरे ।

कार्यक्रमको सुरुवातमा सुनील उलकले पोखरा शहरको इतिहासबारे चर्चा गरे । मूलत: पोखरेली शिक्षा र समाजको इतिहास उक्त चर्चाका विषय थिए ।

त्यसैगरी, कवि भूपिन र लेखक गनेस पौडलसँग विद्यालय शिक्षा, पठन संस्कृति तथा ज्ञानको चरणबारे कुरा गर्न त्रिवेणीले सहजकर्ताको भूमिका निर्वाह गरे । सँगै ‘आजको विज्ञान’ शीर्षकमा सुरेन्द्रमानसिंह भण्डारीले वक्ता त्रिवेणीलाई सहजकर्ताको भूमिकामा साथ दिए ।

कार्यक्रममा विद्यालयका विद्यार्थीहरुको कविवाचन, गायन तथा नृत्य प्रस्तुति समेत रह्यो । कार्यक्रममा उद्घोषकको भूमिकामा विद्यालयकै शिक्षिका भारती गौतम थिइन् ।