लेखनाथ । ङयोए तमु धीको अध्यक्षामा मेजर रामप्रसाद गुरुङले निरन्तरता पाएका छन् । शनिबार भएको संस्थाको २३ औं साधारण सभा तथा १० औं अधिवेशनबाट उपाध्यक्षमा सुवेदार मेघबहादुर गुरुङ, प्रथम महिला उपाध्यक्षमा काशीमाया गुरुङ, महासचिवमा राजु गुरुङ, उपमहासचिवमा तारादेवी गुरुङ र कोषाध्यक्षमा मनदेवी गुरुङ निर्वाचित भए ।

सदस्यमा विष्णुप्रसाद घले, विष्णु गुरुङ, खेमबहादुर गुरुङ, तीजमाया गुरुङ, बेलमाया गुरुङ, दुर्गाबहादुर गुरुङ, सूर्यबहादुर गुरुङ र चुनबहादुर गुरुङ छन् । सभामा पोखरा २९ का वडाध्यक्ष श्रीप्रसाद गुरुङले कुनै पनि समुदायको पहिचान त्यो समुदायको भाषा, संस्कृति भएकाले तमु समुदायको भाषा, संस्कृति संरक्षणका लागि तमु पाठशालाको स्थापना गनुपर्नेमा जोड दिए ।

तमु पाठशला स्थापनाका लागि संघ र प्रदेश सरकारसँग समन्वय गर्दै वडाको तर्फबाट पनि सक्दो सहयोग गर्ने उनको भनाइ । पोखरा २७ का वडाध्यक्ष पूर्णकुमार गुरुङले तमु समुदायको हक, अधिकार स्थापित गर्न सबै एकतावद्ध हुनुपर्नेमा जोड दिए ।
संस्थाका अध्यक्ष मेजर रामप्रसाद गुरुङको अध्यक्षतामा भएको कार्यक्रममा उपाध्यक्ष चिनबहादुर गुरुङ, महासचिव काशीमाया गुरुङ, तमु धिं नेपाल अध्यक्ष हुमबहादुर गुरुङ, लेखनाथ उद्योग वाणिज्य संघका अध्यक्ष विनोद श्रेष्ठ, देवी गुरुङ, संस्थाकी कोषाध्यक्ष बुद्धिकुमारी गुरुङ लगायतले बोलेका थिए ।