पोखरा ।
वडा प्रहरी कार्यालय कास्कीले बैंकिङ कसुरमा फरार रहेका ८५ जना प्रतिवादीलाई पक्राउ गरेको छ । साउनदेखी यता बैंकिङ कसुरको मुद्दामा ८५ जना पक्राउ गरिएको वडा प्रहरी कार्यालय बैदामका प्रमुख नायव उपरीक्षक सन्तोष निरौलाले जानकारी दिए ।

बैंकिङ मुुुुुुद्दासहित अन्य मुद्दामा फरार रहेका १ सय ६ जनालाई यो बिचमा पक्राउ गरिएको निरौलाले जानकारी दिए । यसमध्ये अभद्र व्यवहारमा ४ जना, चोरीमा ४ जना, लागूऔषधमा ६ जना, वन मुद्धामा २ जना, बाल यौन तथा अपहरण मुद्दाका २ जनालाई नियन्त्रणमा लिएको निरौलाले जानकारी दिए ।

उनका अनुसार हातहतियार मुद्धाका १ जना र घरेलु हिंसा मुद्धाका २ जना पनि पक्राउ परेका छन् । गण्डकी प्रदेश प्रहरीले यो आर्थिक वर्षमा हालसम्म प्रदेशका ११ ओटै जिल्लाबाट २५६ जना फरार प्रतिवादी पक्राउ गरेको जनाएको छ ।