पोखरा । स्क्राबेल क्लब नेपालको आयोजनामा भएको जिल्लास्तरीय स्क्राबेल प्रतियोगितामा कास्कीबाट ७ जना विद्यार्थीहरुलाई जिल्लास्तरीय स्क्राबेल प्रतियोगिताको लागि छ्नौट गरिएको छ ।

भदौ ६ गते शनिबार भएको उक्त स्क्राबेल प्रतियोगिता पोखरा सार्वजनिक पुस्तकालय र अमेरिकन कर्नरको समन्वयमा पोखरा सार्बजिक पुस्तकालय,नयाँ बजारमा सम्पन्न भएको थियो ।

प्रतियोगितामा १३ वटा स्कुलबाट २६ जना विद्यार्थीहरुले प्रतिस्पर्धा गरेका थिए । जस्मा सात जना विद्यार्थीहरुले राष्ट्रियस्तरको स्क्राबेल प्रतियोगितामा प्रतिस्पर्धा गर्न पाउने छन् । दिब्यजङ थापा र अच्युत लामिछाने (सैनिक महाबिद्यालय), अनुज गुरुङ र प्रवेश मल्ल (हार्वड एकेडेमी), अनिमेष लामिछाने (नेश्नल इेन्भेन्टिभ बोर्डिङ स्कुल), स्मारिका न्यौपाने (एसओएस बालग्राम स्कुल) र सदिक्षा राना (करुणानिधि बोर्डिङ स्कुल) जिल्लास्तरीय स्क्राबेला प्रतियोगिताबाट छनौट भएका छ ।

स्क्राबेल क्लब नेपालका अध्यक्ष केशवराज पराजुलीका अनुसार उनीहरुले आगामी असोज २९, ३० र ३१ गते हेटौंडामा हुने राष्ट्रिय स्क्राबेला प्रतियोगितामा खेल्नेछन् । नेपालभरबाट ३३ वटा जिल्लाबाट १०० भन्दा धेरै प्रतियोगीहरुले राष्ट्रिय स्क्राबेल प्रतियोगितामा भाग लिने छन्। नेपालबाट २५ जनालाई छनौट गरिने छ र उनिहरुले अन्तरराष्ट्रिय स्क्रोल प्रतियोगितामा भाग लिन पाउनेछन् ।