पोखरा । बागलुङ जिल्लाको ताराखोला गाउँपालिका वडा नम्वर १ अन्तर्गत पर्ने गाईघाट झरना नजिकै जीप दुर्घटना हुँदा १ जनाको मृत्यु भएको छ । दुर्घटनामा ४ जना घाईते भएका छन् । ताराखोलाबाट गलकोट नगरपालिका वडा नम्वर ५ सर्दाखेत जाँदै गरेको ग १ ज ६१०० नम्वरको जीप गाईघाट नजिकै दुर्घटना भएको हो ।

दुर्घटनामा परी गलकोट नगरपालिका वडा नम्वर ५ सर्दाखेतका करिब २४ वर्षीय दिनेश थापाको मृत्यु भएको इलाका प्रहरी कार्यालय हरिचौरले जनाएको छ ।

त्यस्तै दुर्घटनामा परी वडा नम्वर ५ सर्दाखेतका २४ वर्षीय मिलन परियार, ४३ वर्षीय बिरवल परियार र २६ वर्षीय दिनेश थापा घाइते भएका छन् । घाइतेमध्ये २६ वर्षीय थापाको अवस्था गम्भिर रहेको प्रहरीले जनाएको छ । त्यस्तै घाइते बिरवल परियारलाई थप उपचारका लागि पोखरा मणिपाल हस्पिटलमा रिफर गरिएको छ । जीप सडकबाट करिब २० मिटर तल खोलामा खसेको थियो । घाइतेको अहिले गलकोट नगर अस्पतालमा उपचार भईरहेको छ ।