काठमाडौं । अन्तर्राष्ट्रिय होमअप्लायन्स ब्रान्ड माइडियाले नेपाली बजारमा आफ्नो नयाँ २ हजार वाटको पिटिसी सेरामिक हिटर (मोडेलः एनटिएच२०–२२एफआर) सार्वजनिक गरेको छ । जाडो मौसमलाई लक्षित गर्दै कम्पनीले आधुनिक प्रविधियुक्त हिटर बजारमा ल्याएको हो । नेपालमा माइडिया ब्रान्डका उत्पादनहरूको आधिकारिक बिक्री तथा वितरण सिजी इलेक्ट्रोनिक्स मार्फत हुँदै आएको छ र यो नयाँ हिटर पनि सोही वितरण सञ्जालमार्फत उपभोक्तामाझ ल्याइएको हो ।

कम्पनीका अनुसार यस हिटरमा अत्याधुनिक ‘पिटिसी सेरामिक हिटर टेक्नोलोजी’ प्रयोग गरिएको छ । सुरक्षालाई प्राथमिकतामा राख्दै यस मोडेलमा ‘ओभरहिट प्रोटेक्सन’ तथा ‘टिप–ओभर प्रोटेक्सन’ जस्ता विशेषता समावेश गरिएको छ । यी विशेषताले हिटरको तापक्रम अत्यधिक बढेमा वा हिटर ढल्किएको अवस्थामा स्वतः बन्द भई सम्भावित दुर्घटनाबाट सुरक्षा प्रदान गर्छन् ।

प्रयोगकर्ताको सहजताका लागि हिटरमा ‘मल्टिपल टेम्प्रेचर सेलेक्सन’ सुविधा दिइएको छ, जसले आवश्यकता अनुसार कोठाको तापमान मिलाउन मद्दत गर्छ । साथै यसमा ‘वाइड एंगल ओसिलेसन’ फिचर रहेको छ, जसले तातो हावालाई कोठाको फराकिलो हिस्सामा प्रवाह गर्न सहयोग पु¥याउँछ । समय सेट गरेर ढुक्कले प्रयोग गर्न सकिने गरी यसमा २४ घण्टाको टाइमर सुविधा पनि राखिएको छ । बिजुली खपत कम गर्नका लागि यसमा ‘इनर्जी सेभिङ’ प्रविधिको रूपमा ‘इको मोड सेटिङ’ उपलब्ध गराइएको छ ।

यो हिटरलाई अझ सुविधाजनक बनाउन रिमोट कन्ट्रोलको व्यवस्था पनि गरिएको छ । यसले गर्दा प्रयोगकर्ताले टाढैबाट हिटरका सबै सेटिङहरू सहज रूपमा नियन्त्रण गर्न सक्छन् । हेर्दा आकर्षक देखिने यस उपकरणमा ‘डिजिटल एलइडी डिस्प्ले’ रहेको छ । कम्पनीले यसलाई ‘इजी टु क्यारी’ अर्थात् बोक्न सजिलो भनेर चिनाएको छ, जसले यो हिटर पोर्टेबल र हल्का डिजाइनमा रहेको पुष्टि गर्छ ।

माइडियाको यो नयाँ पिटिसी सेरामिक हिटर नेपालभरका सिजी डिजिटल शोरुमहरू, सिजी इलेक्ट्रोनिक्सका डिलर नेटवर्क तथा प्रमुख ई–कमर्स प्लेटफर्महरू मार्फत बिक्री सुरु भइसकेको छ । माइडियाका गिजर तथा हिटिङ उत्पादनहरूमा भाग र मोडेल हेरी दीर्घकालीन वारेन्टी उपलब्ध रहेको कम्पनीले जनाएको छ । साथै सबै उत्पादनहरू अन्तर्राष्ट्रिय सुरक्षा मापदण्ड अनुसार तयार पारिएको कम्पनीको दाबी छ ।