पोखरा । एनसेलका ग्राहकले अनलिमिटेड डेटा सापटी लिन सक्ने भएका छन् । सापटी सुविधा विस्तार गर्दै एनसेलले ग्राहकलाई अब ब्यालेन्स नभएका बेलामा १ दिन समयसीमा रहेको अनलिमिटेड डेटा सापटी लिन सकिने सुविधा ल्याएको छ ।

सेवाअन्तर्गत आफ्नो मेन ब्यालेन्स ५ भन्दा कम भएका प्रिपेड ग्राहकले १ दिन अर्थात २४ घन्टा समयसीमा भएको अनलिमिटेड डेटा सापटी लिन सक्छन् । यो सुविधा पुस १ गतेबाट सुरु भएको हो ।

यो अनलिमिटेड डेटाको शुल्क करसहित ५० रुपैयाँ छ । यो डेटा सापटी लिन ग्राहकले ८९९८८८४३ डायल गर्नुपर्छ । सापटीमार्फत लिएको डेटाको शुल्क ग्राहकले ब्यालेन्स रिचार्ज गरेपछि काटिन्छ ।

कर सहितको सेवा शुल्क २.४८ र १ दिने अनलिमिटेड डेटाको ५० गरी ब्यालेन्स रिचार्ज गर्दा ५२.४८ काटिन्छ । सिम लिएर सेवा लिन थालेको कम्तीमा ३० दिन भएका ग्राहकले यो सेवा लिन सक्छन् । एनसेलले यो अनलिमिटेड डेटाबाहेक ४० ब्यालेन्स सापटी, ३ दिने १ जिबी डेटा सापटी, ३ दिन समयसीमाको ९० मिनेट अल नेपाल टक टाइम सापटी सुविधामार्फत प्रदान गर्दै आएको छ ।