पोखरा ।
नेपाल कम्युनिस्ट पार्टी (एकीकृत समाजवादी) ले पोखरा महानगरपालिका वडा नं १५ मा भेला गरेको छ । भेलाले ख्यामनारायण पौडेलको अध्यक्ष्यतामा ३५ सदस्यीय वडा कमिटी चयन गरेको छ । कमिटीको उपाध्यक्ष्यमा गुरूदत्त पौडेल, कुमारी गरुङ छन् । सचिवमा मदन गिरी चुनिएका छन् ।

भेलामा नेकपा (एकीकृत समाजवादी) का पोलिटब्युरो सदस्य श्रीनाथ बरालले आफ्नै पार्टीको झण्डै दुईतिहाईको बहुमतको संसद माथि असंवैधानिक तवरले पटकपटक प्रहार गर्ने काम भएको बताए । एमालेले लोकतन्त्र र संविधानको रक्षा गर्न नसक्ने भएकाले आफूहरूले विद्रोह गरी नयाँँ पार्टी गठन गरेको उनले सुनाए ।

पार्टीका पोखरा महानगर अध्यक्ष मुक्ति पौडेल, जिल्ला उपसचिव पूर्ण लामा, सचिवालय सदस्यहरु डिबी राई, चित्र बराल, पुनलाल विक, जिल्ला कमिटी सदस्यहरु शर्मिला पौडेल, ख्यामनारायण पौडेल, मुक्ति गुरुङ लगायतले पुष्पलाल, मदन र मनमोहनले देखेको सपनालाई साकार पार्ने दायित्व आफ्नो पार्टीको काँधमा आएको बताए । वडाका ज्येष्ठ कम्युनिस्ट नेता ओमबहादुर थापाको अध्यक्ष्यतामा सम्पन्न कार्यक्रम सञ्चालन बेन गरुङ र स्वागत गणेश कार्कीले गरेका थिए ।