समाधान संवाददाता
पोखरा ।
पोखरा महानगरपालिकाको कार्यपालिका सदस्यका लागि बिहीबार मतदान जारी छ । बिहान १० बजेदेखि सुरु भएको मतदानमा १ सय ६७ जना जनप्रतिनिधिले मतदान गर्ने छन् । कार्यपालिकामा ८ जना सदस्यका लागि मतदान भएको हो । कार्यपालिकामा ४३ जना सदस्य मध्ये यसअघि नै मेयर उपममेयर र वडाध्यक्षसहित ३५ जना पदेन सदस्य निर्वाचित भइसकेका छन् । ५ जना महिला र ३ जना दलित अल्पसंख्यक गरी ८ जना निर्वाचित हुनेछन् । वैशाख ३० गते भएको निर्वाचनबाट महानगरमा एमालेबाट ८६ र नेपाली कांग्रेस र एकीकृत समाजवादीबाट ८१ जना सदस्य जनप्रतिनिधि निर्वाचित छन् ।