समाधान संवाददाता, पोखरा

पोखराका तीन जना व्यवसायीको संयुक्त लगानीमा पोखराको छोरेपाटनमा बराल बस्त्रालय एन्ड नारी फेसन सञ्चालनमा आएको छ । पोखराका युवा व्यवसायी राम बराल, राजु सुनार र बालकृष्ण घिमिरेको संयुक्त लगानीमा बराल बस्त्रालय एन्ड नारी फेसन सञ्चालनमा आएको हो ।

फेसनको शुभारम्भ कार्यक्रममा बोल्दै कपडा व्यवसायी एसोसिएसन कास्कीका उपाध्यक्ष एवं लायन्स क्लब अफ पोखरा राइजिङ स्टारका अध्यक्ष लेखनाथ पौडेलले सेवाको गुणस्तर र बजारीकरणमा जोड दिए । पोखराको पर्यटकीय स्थल गुप्तेश्वर गुफा र डेभिज फल्सनजिकै रहेको उक्त फेसनले ग्राहकको मन जित्नेमा उनले विश्वास व्यक्त गरे ।

कपडा व्यवसायी एसोसियसन कास्कीका सदस्य एवं लायन्स क्लब अफ पोखरा राइजिङ स्टारका प्रथम उपाध्यक्ष चोकबहादुर गुरुङले व्यवसायमा अनुभवी तीनैजनाले त्यसको सफल प्रयोगमा जोड दिए । युवाहरु विदेश जाने क्रम बढिरहेका बेला स्वदेशमै लामो समयदेखी व्यवसाय गरी थप विस्तार गर्न सफल भएकामा शुभकामना समेत दिए ।

व्यवसायीमध्ये राम बरालको छोरेपाटनमै बराल बस्त्रालय, राजु सुनारको एस एन्ड एस फेसन कलेक्सन बिरौटा र बाकृष्ण घिमिरेको ओउ फेसन कलेक्सन रत्नचोकमा सञ्चालनमा छ । झन्डै १५ लाखको लागतमा सयुंक्त रुपमा सञ्चालन गरिएको बराल बस्त्रालय एण्ड नारी फेसनमा लेडिज आइटमहरु उपलब्ध हुने उनीहरुले जनाएका छन् ।