सरकार र डाक्टर दुबै गैरजिम्मेवार हुँदा देशभर बिरामीले दुख पाए

समाधान संवाददाता २०७५ चैत २६ गते १६:३३

समाधान सम्वाददाता

सरकारी चिकित्सकको आन्दोलनका कारण आज पाचौँ दिन पनि देशभरका सरकारी स्वास्थ्य संस्थामा आकस्मिक बाहेकको सेवा ठप्प छ ।

समायोजन गर्दा चिकित्सकहरुलाई संघ अन्र्तगत राख्नुपर्ने माग राख्दै सरकारी चिकित्सकले सेवा अबरुद्ध गरेका हुन् । सरकारले माग पुरा नगरे निजी अस्पताल तथा क्लिनिकमा समेत सेवा बहिस्कार गर्ने चेतावनी दिएका छन् ।

सेवा अरुबद्ध गर्दापनि सरकारले माग सम्बोधन नगरेपछि चिकित्सकहरुले सामुहिक राजिनामा दिने तयारी थालेका छन् । स्वास्थ्य मन्त्रालयले भने आन्दोलनरत चिकित्सकलाई काममा फर्कन आव्हान गरेको छ ।

चिकित्सकका माग वार्तामार्फत सम्वोधन गर्ने कि कारवाही गर्ने भन्नेमा मन्त्रालय अन्यौलमा देखिएको छ ।

पाँच दिनसम्म उपचार सेवा प्रभावित हुँदा सयौं विरामी उपचार सेवावाट बन्चित भएका छन् । देशभरका सरकारी अस्पतालवाट १ लाख सर्वसाधारणले स्वास्थ्य उपचार सेवा लिदै आएका छन् । तर गत शुक्रबारदेखि उपचार नपाउदा हजारौं विरामी अस्पतालमा अलपत्र अवस्थामा छन् ।

तपाईको प्रतिक्रिया