चिसो पठारमा व्यापारको सरगर्मी

समाधान संवाददाता २०७६ असार १२ गते १२:५२

एसके थकाली
मुस्ताङ

चारैतिर खुला समथर पठार छ । जहाँ कुनै मानव बस्ती छैन । त्यसको यता दक्षिण ३ किलोमिटर यता कोरलानाका नजिकै बन्दै छन् चिनिया संरचना । त्यही आसपासको खुला चौरमा कुम्भ मेला लागेको छ । यो हो नेपाल–चीन अन्तर देशीय मेला ।

मेलास्थल झन्डै ४ हजार ३ सय मिटरमा अवस्थित छ । हिउँद याममा त यहाँ ज्यानै लिने ठण्डी हुन्छ । गर्मीयामकोसमयमा पनि त्यहाँ चिसै हुन्छ । चिसोमै व्यापार मेलाको गर्मी बढेको छ ।सधैजसो किनमेलका लागि पोखरा, काठमान्डौं जाने उपल्लो मुस्ताङी मेलामा भने चीनकै दैलोछेउ पुग्छन् । आवश्यक घरायसी सामान किनेर फर्कन्छन् ।

तिब्बतीयन खम्बाले त्यहा दर्जनौं पसल थापेका छन् । लस्करै स्टल जस्तो मिलाएर टांगिएका सेता त्रिपाल छन् । केही नेपालीले भने त्यहाँ घरायसी पसल चलाएका छन् । बिहानीपख व्यापार मेला जान सीमावर्ती क्षेत्रका सर्वसाधारणको लामो लाइन हुन्छ । कतिपयले ट्रक, जिप, ट््याक्टर नै लगेर सामान ढुवानी गर्छन् ।

व्यापार मेला उपल्लो मुस्ताङीका लागि सबैभन्दा सहज किनमेलको बजार भएको लोमान्थाङ गाउँपालिकाका प्रमुख प्रशासकीय अधिकृत सुशील अर्यालले बताए । सडक सञ्जाल नहुँदा उपल्लो मुस्ताङका बासिन्दाका लागि चिनियाँ पक्षले व्यापार मेला गरी राहत दिएको उनको उनको भनाइ छ ।

यो मेला नेपाल र चीनमा आलोपालो हुने गथ्र्यो । तर सुरक्षाको कारण पछिल्लो समय चिनिया पक्षले मात्र मेला आयोजना गर्न थालेको छ । मेलामा नेपाली मुद्रामा समेत किनमेल हुन्छ । चिनिया सुरक्षा अधिकारीले यसपटक नेपालीलाई बोर्डर पास देखाएरमात्र प्रवेश दिएका छन् ।

तपाईको प्रतिक्रिया