वीरगन्ज

पर्साको वीरगन्जस्थित नेसनल मेडिकल कलेजमा ४ जेठमा मृत्यु भएका १ जना वृद्धमा कोरोना संक्रमण थियो भन्ने पुष्टि भएको छ । त्यससँगै नेपालमा कोरोनाभाइरसको संक्रमणबाट मृत्यु हुनेको संख्या चार पुगेको छ ।

नारायणी अस्पतालका सुपरिटेन्डेन्ट मदनकुमार उपाध्यायले ती वृद्धको स्वाब जाँच्दा कोरोना पोजेटिभ आएको जानकारी सोमबार दिएका छन् ।

मृत्यु भएको ती वृद्ध बाराका ७० वर्षीय पुरुष हुन् । उनमा मिर्गाैलाको समस्या थियो । मिर्गाैलामा समस्या भएपछि वृद्ध वीरगन्जको अस्पताल भर्ना भएका थिए । उनको स्वाब परीक्षण काठमाडांैमा भएको हो । वृद्धको परिवारले अन्तिम संस्कार गरिसकेका छन् ।

यसअघि सिन्धुपाल्चोककी सुत्केरी महिला, बाँकेका युवक र गुल्मीका १ जना शिक्षकको कोरोना संक्रमणबाट मृत्यु भएको थियो ।