कांग्रेसको प्रदर्शन आज

समाधान संवाददाता २०७७ मंसिर २९ गते १०:४३

समाधान संवाददाता, पोखरा

नेपाली कांग्रेस कास्कीले पोखरामा गर्ने प्रदर्शनको तयारी पूरा भएको जनाएको छ ।

वडा तहदेखि नै प्रदर्शनका लागि तयारी गरिएको छ । कास्की कांग्रेस सभापति कृष्ण केसीले प्रदर्शनमा सहभागी हुन पार्टीका क्रियाशील सदस्य, भातृ तथा शुभेच्छुक संघ, संस्था, बुद्धिजीवी, उद्योगी, व्यवसायीलाई आह्वान गरेका छन् ।

आइतबार देशव्यापी प्रदर्शन अन्तर्गत पोखरामा बिपीचोकबाट प्रदर्शन सुरु हुने कास्की कांग्रेस प्रवक्ता नवीन सिग्देलले जानकारी दिए ।

प्रदर्शन महेन्द्रपुल हुँदै पृथ्वीचोकमा पुगेर विरोधसभामा परिणत हुनेछ ।कांग्रेसले प्रदर्शनका सहभागीलाई मास्क लगाउन, बेला बेलामा सेनिटाइजर प्रयोग गर्न र सामाजिक दुरी कायम गर्न पनि आग्रह गरेको छ ।

पोखराको विरोध सभालाई नेपाली कांग्रेसका पूर्व सहमहामन्त्री अर्जुननरसिंह केसीले सम्बोधन गर्ने छन् ।

तपाईको प्रतिक्रिया