पोखरा ।
पोखरा लेकसाइड नारेश्वरमा नयाँ हारमोनि क्याफे सञ्चालनमा आएको छ । युवा व्यवसायी प्रदिप छिन्दालले क्याफे सञ्चालनमा ल्याएका हुन् । स्याङ्गजा र पाल्पामा उत्पादित अर्गानिक कफिलाई रोस्टेट विन्स मार्फत कफि मेशिनमा गलाइन्ड गरि आठ प्रकारका कफि तयार पारिने सञ्चालक प्रदिपले जानकारी दिए । सपमा स्यानडुइज र बेकरी आइटम पनि पाउन सकिन्छ ।

करिब पचास लाख लगानि खुलेको सपमा पाँच जनाले कार्यरत छन् । भविष्यमा लेकसाइडको गौरीघाट, राष्ट्रबैङक चोक, न्युरोड र अमंरसिह चोकमा समेत शाखा विस्तार गर्ने योजना रहेको उनले सुनाए ।

कार्यक्रममा नेपाली कांग्रेस पुतली बजार नगरपालिका ६ स्याङजा टक्सारका सभापति र गण्डकी टेलिभिजनका अध्यक्ष राजु केसीले क्याफेको उद्घाटन गर्दै युवाहरु अहिलेको परिवेशमा उत्पादन मुलक काममा लाग्नु पर्ने बताए । नेपालका अधिकांश युवाहरु कामको खोजीमा विदेश पलाएन भएको अवस्थामा नेपालमै बसेर आफ्नै क्षेत्रमा केही गरौ भनेर लागेका युवालाई राष्ट्र र समाजले प्रोसाहन गर्नेु पर्नेमा जोड दिए । उनले राम्रो कामको सुरुवात भनि व्यवसायीको प्रशंसा गरे ।

नेपाल दलित संघ पोखरा ६ का वडाध्यक्ष सन्दिप दियालीले युवाहरुको जोश जागर लाई राज्यले चिन्न नसक्दा अधिकांश युवा विदेश पलाएन हुनु परेको बताए । युवाहरुको जोश जागर लाई उत्पादन क्षेत्रमा प्रयोग गर्ने सकेमा राष्ट्र समवृद्दि तर्फ आगाडि बढ्ने विश्वास व्यक्त गरे ।