हिलसाइड माविमा तालिम
समाधान संवाददाता
२०८१ वैशाख ७ गते १३:२६
पोखरा ।
पोखराको हिलसाइड अंग्रेजी माध्यमिक विद्यालयमा ४ दिवसीय शिक्षक कर्मचारीको पेशागत क्षमता अभिवृद्धि तालिम सुरु भएको छ । बिहीबारबाट सुरु भएको तालिममा विद्यालयका शिक्षा र कर्मचारीहरु सहभागी छन् ।
कार्यक्रममा प्रशिक्षक विकलप्रसाद शेरचनले कास्कीमा निजी तथा संस्थागत विद्यालयको आवश्यकता ठूलो रहेको जनाए ।
शिक्षकको व्यावसायिक विकासका लागि हुनुपर्ने आवश्यक गुणबारे उनले प्रकाश पारे । शेरचनले योग, ध्यान र साधना मानसिक स्वास्थ्यका लागि जरुरी भएको र यसबारे शिक्षकले समेत जानकारी राख्नैपर्ने विचार राखे ।
कार्यक्रममा संस्थापक प्राचार्य डिल्लीराम भट्टराई, संस्थापक नारायणी बराल, संस्थापक होमनाथ भट्टराई, अंग्रेजी विभागका प्रमुख सन्तोष लामिछाने, सहकार्यकलाप प्रमुख मीनप्रसाद सुवेदी, शिक्षकद्वय मनशोभा पुन र अनिता पौडेलले बोलेका थिए ।
सम्बन्धित
तपाईको प्रतिक्रिया