स्याङ्जा । स्याङ्जाको ग्रामीण बस्तीमा क्षयरोगीको संख्या अत्याधिक देखिएको छ । भीरकोट नगरपालिका–१ बयघारीमा गरिएको क्षयरोग परीक्षण शिविरमा ११ जना क्षयरोगका बिरामी फेला परेसँग यहँ क्षयरोगीको संख्या धेरै रहेको अनुमान गरिएको हो ।

क्षयरोग खोजपडताल स्वास्थ्य जाँच निःशुल्क स्वास्थ्य शिविरमा २.४ प्रतिशत क्षयरोगका बिरामी फेला परेका हुन् । यहाँ उपचारको लागि आएका ४ सय ५० जनामा क्षयरोका बिरामी भेटिनु अत्याधिक रहेको हो ।

भीरकोट नगरपालिका र जापान नेपाल स्वास्थ्य तथा क्षयरोग अनुसन्धान संस्था(जन्त्रक)को आयोजना, जिल्ला स्वाास्थ्य कार्यालय र क्षयरोग उपचार केन्द्र पोखराको को समन्य तथा सहकार्यमा निःशुल्क क्षयरोग परीक्षण गरिएको हो ।

एआई पद्धतिको डिजिटल पोर्टेबल अत्यधुनिक मेसिन प्रयोग गरी विशेषज्ञ डाक्टर र स्वास्थकर्मीको टोलीले उपचार गरेको हो ।

दिर्घरोगी, बयोबृद्ध र क्षयरोगीको सम्पर्कमा आएकालाई लक्षित गरेर शिविरको आयोजना गरेको बताउदै जन्त्रक परियोजना अधिकृत भावना पोखरेलले शंकास्पद ३९ जनाको खकार नमुना परीक्षणको लागि जिनएक्पर्ट ल्याब लगिएको बताइन् ।

क्षयरोग लागेको छ वा छैन गाउँमै अत्याधुनिक मेसिनबाट उपचार पाएको बताउदै वडा नं –का ६८ वर्षीय इसारा एसकेले यस्ता शिविर हरेक गाउँमा लगेमा क्षयरोगीको संख्या घट्ने बताए ।

खर्च नै नगरी निःशुल्क उपचार गर्न पाएको र आफ्ुमा क्षयरोग भए नभएको थाहा पाएको उनको भनाइ थियो । स्वास्थ्य परीक्षणलाई हेर्दा क्षयरोगी गाउँ गाउँमा लुकेर बसेको र यसको निदानको लागि गतिविधि बढाउनु पर्ने आवश्यकता रहेको जिल्ला क्षयरोग अधिकृत विष्णु सुवेदीले बताए ।

यहाँ डा.प्रमोद भट्राईको नेतृत्वमा १२ जनाको स्वास्थ्यकर्मी टोलीले क्षयरोग परीक्षण गरेको थियो । यहाँ भीरकोट, अर्जुनचौपारी, पुलतीबजारका गाउँ गाउँबाट क्षयरोग परीक्षणको लागि सेवाग्रही आएका थिए ।