पोखरा ।
स्वास्थ्यका लागि खेलकुद राष्ट्रका लागि खेलकुद भन्ने उद्घोषका साथ आयोजित पाचौ चार भाई व्याडमिन्टन कप २०८१ सम्पन्न भएको छ । चार भाई युवा क्लवको आयोजनामा ताङलेकोट तमु समाज नयाँगाउँको हलमा भएको प्रतियोगिता माघ ११ गते शुरु भई १३ गते सम्पन्न भएको हो ।

कपका लागि गण्डकी प्रदेश र अन्य प्रदेशका विभिन्न जिल्लाबाट प्रतियोगी सहभागी भएका थिए । प्रतियोगीता अन्र्तगत मेन्स डवल्स बि लेवल ,मेन्स डवल्स सी लेभल र गण्डकी प्रदेश स्तरीय खुल्ल्ला मिक्स डवल्स गरी तीनवटा ईभेन्टस मा खेल सम्पन्न भएको खेल संयोजक विष्णु गुरुङले जानकारी दिए ।

जसअन्र्तगत बी लेभल मेन्स डवल्स तर्फ प्रथम हुदै अमर थापा र सागर थापाको जोडीले रु.४५ हजार ,उपविजेता बनेको विधान गुरुङ र भुवन सुनारले ३० हजार र तृतीय हुन सफल तुल गुरुङ र पुकार गुरुङ साथै विमल कुमाल र आशिष शाहीको जोडीले समान ८/८ हजार प्राप्त गरे । त्यसैगरी मेन्स डवल्स सी लेवल विजेता भरत थापा र दियान थापाको जोडीले प्रथम पुरस्कार स्वरुप रु.४० हजार प्राप्त गरे ।

दोस्राे हुन सफल विक्की गुरुङ र बसन्त पौडेलको जोडीले २५,००० र तेस्राे हुन सफल सनिल थापा र नवीन थापा साथै कपिल गुरुङ र टोप वहादुर तरामुको जोडीले समान रु.७/७ हजार प्राप्त गरे ।

गण्डकी प्रदेश स्तरीय खुल्ला मिक्स डवल्स खुल्ला तर्फ प्रथम हुने जोडी विशाल खड्का र दिलाशा रानाले रुं २५ हजार द्धीतिय हुने टीम अक्षय क्षेत्री र अनु रानाले रु.१५ हजार र तृतीय हुने समुहहरु ईशान खडका र यामकुमारी गुरुङ साथै सुरेन्द्र हमाल र पुनम गुरुङले समान ६,६ हजार प्राप्त गरेको क्लवका अध्यक्ष सुरेश गुरुङले जानकारी दिनुभयो । प्रतियोगिताको समापन कार्यक्रम वडा नं १५ का वडा अध्यक्ष तोरण बहादुर बानियाँको प्रमुख आतिथ्यतामा सम्पन्न भएको थियो ।

पुरस्कार वितरण गनुृहुदै प्रमुख अतिथी बानियाँले चार भाई युवा क्लवको यस प्रतियोगिताले व्याडमिन्टन खेलको विकासमा विशेष सहयोग पुग्ने बताउदै आगामी दिनमा पनि सहयोग रहने बताए ।

यस प्रतियोगीतामा कास्की ,स्याङजा ,चितवन ,तनुहँ ,म्याग्दी लगायतका जिल्लाहरुबाट करीव २७० खेलाडीहरु सहभागी थिए भने हजारौले प्रत्यक्ष अवलोकन गरेका थिए । प्रतियोगिताबाट बचत रकम अनाथ, असाहाय, वालगृह मा सहयोग प्रदान गरीने चार भाई युवा क्लवका सदस्य बम गुरुङले जानकारी दिए । समापन कार्यक्रमको सञ्चालन सहसचिव अर्जुन गुरुङले गरेका थिए भने क्लवका अध्यक्ष सुरेश गुरुङको अध्यक्षतामा कार्यक्रम सम्पन्न भएको थियो ।