पोखरा ।
युनाइटेड क्लब पोखराले आयोजना गर्ने १४ औं संस्करणको पोखरा महोत्सव आगामी पुसको २९ देखि माघको ११ गतेसम्म हुने भएको छ । युनाइटेड क्लब पोखराको १६ औं साधारणसभाले १४ औं संस्करणको पोखरा महोत्सवको मिति तोकेको हो ।

सभामा क्लबका संस्थापक अध्यक्ष हिमालय बख्रेलले क्लबले सामाजिक कामका लागि पोखरा महोत्सवलाई निरन्तरता दिँदै आएको र यसलाई राष्ट्रिय स्तरको क्लब बनाउनतर्फ लाग्नुपर्नेमा जोड दिए । क्लबका निवर्तमान अध्यक्ष राजु श्रेष्ठले आगामी दिनमा शिक्षा क्षेत्रलाई अगाडि बढाउन आग्रह गरे ।

साधारण सभाले क्लबका अध्यक्ष लोकबहादुर थापाले अध्यक्षको प्रतिवेदन, महासचिव दिनेश सुनारको महासचिवको प्रतिवेदन र कोषाध्यक्ष जयराम आचार्यको कोषाध्यक्षको प्रतिवेदन पारित गरेको छ । कार्यक्रममा क्लबका परिकल्पनाकार आनन्द थापा, क्लबका वरिष्ठ उपाध्यक्ष गणेश तिमिल्सिना र महासचिव दिनेश सुनारले पनि बोलेका थिए ।