पोखरा ।

नेपाली कांग्रेस कास्की निर्वाचन क्षेत्र नम्बर १ को सभापतिमा राजेन्द्रमणि लामिछाने विजयी भएका छन्। उनीसँग बुद्धिमान गुरुङले प्रतिस्पर्धा गरेका थिए। पार्टीको १४औं महाधिवेशन अन्तर्गत सोमबार भएको मतदानमा लामिछानेले ४ सय ५८ मत ल्याउँदा गुरुङले ३ सय ३० मत प्राप्त गरे ।

सचिवमा सरोज केसी र ओमप्रकाश गुरुङ विजयी भएका छन् । केसीले ४ सय ५६ र गुरुङले ४ सय १८ मत प्राप्त गरे । सचिवका प्रतिस्पर्धी शोभामोहन पौडेलले ३ सय २२ र जितेन्द्र गुरुङले १ सय ८८ मत पाएका थिए । पार्टीको सहसचिवमा सुजता गुरुङ ३ सय ७१ र मोती गिरी ३ सय ४५ मतका साथ विजयी भए । सहसचिव पदका प्रतिस्पर्धी किरण थापाले ३ सय ४४ र उपेन्द्र न्यौपानेले २ सय ५२ मत ल्याए ।

क्षेत्र नम्बर २ मा कांग्रेसको सभापति पदमा केशरप्रसाद निर्दोषी विजयी भएका छन्। पुण्डरीप्रसाद बराललाई हराएर उनी कांग्रेसको क्षेत्र नम्बर २ सभापति बन्न सफल भएका हुन्। कास्की क्षेत्र नम्बर ३ मा कांग्रेस सभापतिका लागि मनोज गुरुङ र खिमलाल बास्तोलाबीच प्रतिस्पर्धा छ । त्यहाँ मतगणना जारी छ । पछिल्लो गणनामा गुरुङ अगाडि छन् ।