अलि फरक प्रसंगबाट यो आलेखको थालनी गरौं । तपाईं अहिले दिनरात नभनी काम गरिरहनु भएको छ, घामपानी नभनी श्रम गरिरहनुभएको छ । आफैलाई भुलेर आयआर्जनमा खटिइरहनुभएको छ । केका लागि ?

तपाईंले निश्चय पनि जवाफ दिनुहुनेछ, ‘आफ्ना सन्ततीका लागि ।’ अवोध साना छोरा वा छोरीको अनुहार हेरेर तपाईं आज आफ्नो दुःख बिर्सिरहनुभएको छ । तपाईं/हाम्रो एउटै ध्याउन्न के छ भने, ‘मेरा छोराछोरीले भोलिको दिनमा दुःख झेल्न नपरोस् ।’