समाधान

एटिएम (अटोमेटेड टेलर मेसिन) सहज र सरल बैंकिङ माध्यम हो । एटिएम आधुनिक जीवनशैलीको माध्यम पनि हो । एटिएमले बैंकिङ सेवामा नयाँ आयाम मात्रै थपिदिएको छैन, मानिसका जिउने तरिकामा समेत परिवर्तन ल्याइदिएको छ । तर, पर्वत जिल्लाभरी नै रहेका ३४ वटा बैंकमध्ये १२ वटा बैंकमा एटिएम सेवा छ । तर, सेवाको नामका मात्रै हुँदा उपभोक्ताले हैरानी खेप्नुपरेको छ ।

बैंकमा सफा नोट अभाव हुँदा एटिएम २४ सैं घण्टा चल्न नसक्दा सेवामा समस्या भएको शाखा बैंकका प्रमुखहरुको भनाइ छ । पुराना नोटले एटिएम खाताको प्रमाण अर्थात सन्सेरमा समस्या हुँदा प्रभावकारी चल्न सकेका छैनन् । यहाँ शाखासहित ‘क’ वर्गका ११ वटा र ‘ख’ वर्गका ७ वटा बैक छन् । सेवाग्राहीलाई सेवा दिन बिहान ९ बजे खुल्ने बैंक साँझ ५ बजे बन्द हुन्छन् । शनिबार र साार्वजनिक बिदाका २४ सै घण्टा सहजता प्रदान गर्न बैंकले एटिएम सेवा सुरु गरेका हुन् । हाल एटिएमले सेवाग्राहीलाई सरल रुपको सेवा दिन नसक्दा गुनासो बढिरहेको छन् । सेवाग्राही माधव पौडेलले आवश्यक पर्दा पैसा नपाएउदा एटिएम नामका मात्रै भएको बताउँछन् ।

बैंकर्स क्लबका अध्यक्ष गोविन्द आचार्यले यो अवस्थालाई स्वीकार्दै सडक निमार्ण कार्यका कारण नियमित इन्टरनेट नहुँदा यस्तो समस्या आएको बताए । भने, ‘उनले बैंकमा नयाँ (फ्रेस ) नोटको अभाव हुँदा एटिएमको सेवा प्रभावकारी हुन नसकेको हो ।’