हाजिरीजवाफमा मेट्रोपोलिटान प्रथम

समाधान संवाददाता २०७६ साउन २४ गते १९:०२

समाधान संवाददाता

विज्ञान सचेतना समूह पृथ्वीनारायण क्याम्पसको आयोजनामा भएको पोखरा महानगरस्तरीय खुला हाजिरी जवाफ प्रतियोगितामा मेट्रोपोलिटान एकेडेमी प्रथम भएको छ । महानगरका माध्यमिक तह (कक्षा ९ र १०) ५० विद्यालय सहभागी उक्त कार्यक्रममा बेसलाइन एकेडेमी द्वितीय, नेसनल इन्भेन्टिभ एकेडेमी तृतीय तथा धौलागिरि बोर्डिङ सान्त्वना भएको स्वस्तिक सुवेदीले जानकारी दिए ।

कार्यक्रम संयोजक गणेशप्रसाद अधिकारीको अध्यक्षतामा भएको कार्यक्रममा प्रमुख अतिथि नेसनल क्रियसन एकेडेमीका अध्यक्ष गोपालबहादुर थापाले विद्यार्थीलाई किताबी ज्ञानमात्र नभई चौतर्फी ज्ञान बढाउन संस्थाले महत्वपूर्ण भूमिका खेलको भन्दै खुसी व्यक्त गरे ।

नेसनल क्रियसन नागढुंगाको सभा हलमा भएको कार्यक्रममा विशिष्ट अतिथि ज्ञानेन्द्र थापा, कार्यक्रम सहसंयोजक तोरण भुगाईँ, संस्थाका प्रतिनिधि शिशिर पौडेल, रामेश्वर सापकोटा लगायतले बोलेका थिए ।

तपाईको प्रतिक्रिया