एनसेलको ‘कल आयो पैसा पायो’ योजना

समाधान संवाददाता २०७६ फागुन ३० गते १४:२२

समाधान संवाददाता, काठमाडौंं

एनसेल प्राइभेट लिमिटेडले उपभोक्ताको रोजाइमा रहेको ‘कल आयो पैसा पायो’ अफरमा थप बोनस दिने योजना ल्याएको छ । एनसेलको लोयल्टी कार्यक्रम अन्तर्गत ग्राहकले विश्वका जुनसुकै देशबाट आएको अन्तर्राष्ट्रिय आगमन कलमा २ मिनेट वा सो भन्दा धेरै कुरा गर्दा प्रत्येक मिनेटको २ रुपैयाँ बोनस प्रदान गर्ने जनाएको छ ।

बुधबारबाट लागु भएको योजना ३ महिनासम्म चल्ने प्रालिले उल्लेख गरेको छ । एनसेलका ग्राहकले विदेशबाट आफ्ना आफन्त, साथीभाई र परिवारजनले गरेको कलमा पहिलो २ मिनेटपछि हरेक मिनेट ११ मिनेटसम्म २ रुपैयाँको दरले बोनस पाउने जनाएको छ । विज्ञप्तिमा अन्तर्राष्ट्रिय आगमन कलमा ग्राहकले २० रुपैयाँसम्म बोनस प्राप्त गर्ने उल्लेख छ ।

एनसेलले प्राप्त बोनस ३ दिनका लागि मान्य हुने जनाएको छ । ग्राहकले उक्त बोनस एनसेलको नेटवर्कभित्र कुरा गर्न, एसएमएस पठाउन र इन्टरनेट चलाउनसमेत प्रयोग गर्न सक्छन् । एनसेलका सबै प्रिपेड तथा पोस्टपेड ग्राहकले १७१२६ मा डायल गरी यो योजना निशुल्क सुचारु गरी लाभ लिन सक्छन् । त्यसैगरी, ग्राहकले अंगे्रजीमा ‘ए’ टाइप गरी १७१२६ मा एसएमएस पठाएर पनि यो बोनस योजनामा सामेल हुन सक्ने प्रालिको भनाई छ । बोनसका साथै, अन्तर्राष्ट्रिय आगमन कलमा कुरा गरी योजनाको मापदण्ड पूरा गरेका ग्राहकले प्रत्येक हप्ता सामसुङ ग्यालेक्सी एट्वान्टी स्मार्टफोन पनि प्राप्त गर्न सक्नेछन् ।

योजनामा प्रत्येक हप्ता १० जना ग्राहकले १÷१ थान स्मार्टफोन पाउनेछन् । १ हप्ताको समयावधिमा ग्राहकले पाएको बोनस, कुल अन्तर्राष्ट्रिय आगमन कल र औसत कलको समय अनुसार विजेताको छनोट गरिनेछ । आफ्ना परिवारका सदस्य, आफन्त वा साथीभाई विदेशमा रहेका र उनीहरुसँग सम्पर्कमा रहिरहनु पर्ने ग्राहकका लागि थप लाभ सुनिश्चित गर्दै आकर्षक योजना ल्याउन पाएकामा कम्पनीले खुसी जनाएको छ ।

तपाईको प्रतिक्रिया