गण्डकीमा थपिए ४ संक्रमित, पुगे १९२

समाधान संवाददाता २०७७ जेठ ३० गते ११:५८

समाधान संवाददाता

गण्डकी प्रदेशमा कोरोना भाइरस संक्रमित ४ जना थपिएका छन् । नवलपुरमा ४ जना संक्रमित थपिएसँगै संक्रमितको संख्या १९२ पुगेको छ ।

जिल्लाको हुप्सेकोट गाउँपालिका स्थायी ठेगाना भई सोहि पालिकाको क्वारेन्टाइनमा बसेका ४ जनामा कोरोना पुष्टि भएको स्वास्थ्य निर्देशक विनोदविन्दु शर्माले जानकारी दिए ।

संक्रमण पुष्टि हुनेमा १८, ३२, ५८ र ५९ का ४ जना पुरुष छन् । संक्रमितलाई रजहरस्थित सामुदायिक प्राकृतिक चिकित्सालयको आईसोलेसन कक्षमा राखिएको छ।

आज बिहान मात्रै प्रदेशमा ३७ जनामा कोरोना पुष्टि भएको थियो । मनाङ र मुस्ताङबाहेक बाँकी सबै ९ जिल्लामा कोरोना संक्रमित भेटिएका छन् ।

अहिलेसम्म गण्डकीमा ११ जना संक्रमित निको भएर घर फर्किएका छन् । संक्रमितमध्ये स्याङ्जाका १ जनाको मृत्यु भएको छ ।

तपाईको प्रतिक्रिया