समाधान संवाददाता, पोखरा

गण्डकी प्रदेशमा ७६ जना कोरोना संक्रमित थपिएका छन् ।

चितवन र पोखराका ल्याबमा गरिएका परीक्षणमा ८ जिल्लामा आज ७६ संक्रमित थपिएको प्रदेश स्वास्थ्य निर्देशनलायले जनाएको छ ।

आज थपिएका संक्रमितमध्ये ५३ जना कास्कीका छन् । गोरखामा ९, नवलपरासीमा ५, तनहुँमा ३, स्याङ्जा र बागलुङमा २/२, लमजुङ र म्याग्दीमा १/१ संक्रमित थपिएका छन् ।

योसहित गण्डकीमा कोरोना संक्रमितको संख्या ५ हजार ५ सय ७७ पुगेको छ ।

तीमध्ये ३ हजार ५ सय १० जना निको भएको निर्देशनालयले जनाएको छ । अहिलेसम्म ४९ संक्रमितको ज्यान गएको छ ।

मृत्यु हुनेमा कास्कीका १४, नवलपुर र तनहुँका ९/९, गोरखाका ७, स्याङ्जाका ५, लमजुङ र बागलुङका २ र म्याग्दीका १ जना छन् ।