जनताको आशा मर्न दिँदैनौंः मन्त्री अर्याल
समाधान संवाददाता, स्याङ्जा
भूमि व्यवस्था, सहकारी तथा गरिबी निवारण मन्त्री पद्मा अर्यालले चुनावी प्रतिवद्धता विस्तारै पूरा गर्दै गइरहेको बताएकी छन् ।
शनिबार स्याङ्जाको कालीगण्डकी गाउँपालिका २ मा सिर्जनशील बहुउद्देश्यीय क्लबको भवन शिलन्यास गर्दै उनले चुनावका बेला गरेका वाचा अहिले क्रमश पूरा गर्दै गएको बताएकी हुन् ।
केहीको उपलब्धि आइसकेको र केही आयोजना निर्माणाधीन रहेको भन्दै उनले जनताहरुको आड भरोसाले आँफू अहिले मन्त्री पदमा रहेको र जनतालाई निरास बनाउने काम कहिल्यै नगर्ने प्रतिवद्धता व्यक्त गरिन् ।
जनमुखी कामको अभियानमा सरकार रहेको भन्दै मन्त्री अर्यालले जनताको आशालाई कहिल्यै निराशा बन्न नदिने बताइन् ।
युवालाई स्वोरोजगार बनाउन सिपयुक्त बनाउनु अहिलेको आवश्यकता रहेको बताउँदै मन्त्री अर्यालले विदेश पलायनबाट रोक्न हातमा सीप चाहिने बताइन् ।
कालीगण्डकीमा समेत विकासको गति अगाडि बढेको भन्दै उनले सडक चौडादेखि ग्राभेल गर्ने काम समेत आफ्नै पहलमा भएको बताइन् ।
मिर्मीदेखि रुद्रबेनीसम्मको सडक कालेपत्रे गरेर पर्यटकीय मार्ग बनाउने मन्त्री अर्यालको भनाइ थियो ।
स्याङ्जामा पर्यटकीय सम्भावनाहरुको लागि आवश्यक विकासको पूर्वाधारमध्ये पहिलो सडक भएको बताउँदै अर्यालले पर्यटकीय सडकहरु निर्माण गर्ने, अन्य भौतिक संचरना निर्माण गरेर पर्यटकलाई आर्कषण गर्ने जनाइन् ।
तपाईको प्रतिक्रिया