रहेनन् धनबहादुर गायक
समाधान संवाददाता
२०७७ माघ १२ गते १०:०७
समाधान संवाददाता, पोखरा
चर्चित लोक गीत ‘यो दाजुको मिर्मिरे आँखा’, बेली र चमेली लगायत गीतका सर्जक धनबहादुर गायकको निधन भएको छ ।
उनको मनिपाल शिक्षण अस्पतालमा उपचारको क्रममा सोमबार बिहान निधन भएको राष्ट्रिय लोकदोहोरी गीत प्रतिष्ठान गण्डकीका अध्यक्ष सुरेन्द्र गुरुङले जानकारी दिए ।
उच्च रक्तचापका कारण ३ दिन पहिला मनिपाल शिक्षण अस्पताल भर्ना भएका गायकको सघन उपचार कक्षमा निधन भएको हो । धनबहादुर राष्ट्रिय लोकबाजार सारंगी संरक्षण पाठशाला प्रतिष्ठानका अध्यक्ष पनि हुन् ।
२०२१ साल वैशाख ६ गते पोखराको बाटुलेचौरमा आमा चदर गायक र बाबु बखतबहादुर गायकका पुत्रका रुपमा धनबहादुर गन्धर्वको जन्म भएको थियो । पोखरा महानगरपालिकाले गठन गर्न लागेको प्रज्ञा प्रतिष्ठानमा गन्धर्व सिफारिस भएका थिए ।
सम्बन्धित
तपाईको प्रतिक्रिया