पिएनमा चरा गणना, भेटिए ३० प्रजाति

समाधान संवाददाता २०७७ माघ १८ गते २१:४८

समाधाान संवाददाता, पोखरा

पोखराको पृथ्वीनारायण क्याम्पसमा चरा गणना भएको छ । पृथ्वी नारायण क्यामपसमा बिएससी पढ्ने विद्यार्थीले चरागणना गरेका हुन् । चरागणनाका लागि शिक्षक र विज्ञहरुले चरा गणनाबारे विद्यार्थीलाई प्रस्ट्याएका थिए ।

किताबी ज्ञानलाई व्यवहारमा उतार्न कार्यक्रम आयोजना गरिएको कार्यक्रम संयोजक सुदर्शन पराजुलीले बताए । गणनामा पृथ्वीनारायण क्याम्पस परिसरमा ३० प्रजातिका चराहरु भेटिएका छन् । उनले भने, ‘सबैभन्दा धेरै कालो चिल देखिए । धोबीनी चरा, ढोडे गोकुल, कालो चिबे, डाङ्ग्रे, टेलर बर्ड, राजगिद्ध लगायत चराहरु देखिए ।’ राजगिद्ध संकटापन्न प्रजाति रहेको उनले जनाए ।

विद्यार्थीलाई चरागणनामा टाइगर माउन्टेन पोखरा लजका हरी परियार, हरी भण्डारी, साजन रानाभाट, नारायण परियार, शिक्षकहरु सोमनाथ शर्मा, ऋषि बराल, ओमप्रकाश सिङ, राजेन्द्र बस्यौलाले करिब २५ जना विद्यार्थीलाई सहजीकरण गरेका थिए ।

उनीहरुले चरा संरक्षण आवश्यक रहेको भन्दै चरा गणनाले विद्यार्थीको पढाइ सघाउने बताए ।

तपाईको प्रतिक्रिया