हर्पन खोलामा निर्मित सिल्टेसन ड्याम बाढीले बगायो
समाधान संवाददाता
२०७८ असार २४ गते १३:१९
मनसुनी वायूको प्रभावले विहिबार बिहान देखि आएको अविरल वर्षले हर्पन खोलामा निर्माण भएको सिल्टेसन डयाम बाढीले बगाएको छ ।
पोखरा महानगरपालिका वडा नं २३ मा रहेको उक्त डयाम भत्किएको हो ।
फेवा ताल जोगाउन करोडौँ रकम खर्चेर निर्माण भएको ड्याम पूर्ण रुपमा भत्किएको हो । तटीय क्षेत्रको बस्ती जोखिममा परेको छ ।
वर्षामा आउने बाढी पहिरोलाई रोकेर फेवातालमा जाने ढुंगामाटो रोक्ने उद्देश्यले हर्पन खोलामा सिल्टेसन ड्याम निमार्ण गरिएको थियो । हर्पन खोलाको घाँटीछिना, बेतयानी खोलामा दुई ठाउँ, लौरुक खोला र अधेरी खोलामा चेकड्याम र सिल्टपोखरी निर्माण गरिएको छ । पोखरा महानगरपालिका र प्रदेश सरकारको लगानीमा ड्याम निमार्ण भएको हो ।
सम्बन्धित
तपाईको प्रतिक्रिया