लमजुङ ।
लमजुङका कुल ७५ वडा मध्य १५ वडा मतगणना सकिएको छ । एमालेले ८ वडामा जित हासिल गरेको छ । कांग्रेसले ४ वडा जितेको छ । माओवादी केन्द्रले २ वडा जितेको छ । सत्ता गठबन्धन र एमालेलाई हराउँदै स्वतन्त्र उम्मेदवार समेत एउटा वडामा विजयी भएका छन् ।

८ वटा वडामा एमाले, कांग्रेस ४ र माओवादी केन्द्र २ वडामा विजयी

दूधपोखरी गाउँपालिका ३ मा स्वतन्त्र उम्मेदवार श्याम गुरुङले २ सय २८ मत ल्याएर वडाअध्यक्षमा निर्वाचित भएका छन् ।
बेंसीसहर नगरपालिका १ मा एमालेका दुर्गाबहादुर बुढाथोकी २ मतले विजयी बनेका छन् । उनले ७ सय १९ मत ल्याए ।
सुन्दरबजार नगरपालिका १ मा एमालेका कर्णबहादुर गुरुङ ४ सय ४६ मत बटुलेर वडाअध्यक्षमा निर्वाचित भएका छन् । सुन्दरबजार नगरपालिका २ मा एमालेकै नवीनकुमार श्रेष्ठ ८ सय ८१ मतका साथ वडाअध्यक्षमा निर्वाचित भएका छन् ।

मध्यनेपाल नगरपालिका १ मा एमालेका सुदीप थापा वडाअध्यक्षमा विजयी भए । उनले ६ सय ८१ मत ल्याए । राइनास नगरपालिका २ मा एमालेका लक्ष्मण शाहीले ३ सय ८८ मत ल्याएर वडाअध्यक्षमा जिते । क्व्होलासोंथर गाउँपालिका १ मा एमालेका पेमा गुरुङ २ सय ८९ मत ल्याएर वडाअध्यक्षमा विजयी बनेका छन् । मर्स्याङ्दी गाउँपालिका १ मा एमालेका रुद्रमान गुरुङ ४ सय २२ मत ल्याएर निर्वाचित भएका छन् । दोर्दी गाउँपालिका २ मा एमालेका गणेशबहादुर खत्रीले ३ सय ९९ मत ल्याएर वडाअध्यक्षमा निर्वाचित भए ।

कांग्रेसका तर्फबाट सुन्दरबजार नगरपालिका ३ का उम्मेदवार अमृत न्यौपानेले ७ सय ४६ मत ल्याएर वडाअध्यक्षमा विजयी भएका छन् । मध्यनेपाल नगरपालिका १० मा कांग्रेसका रामचन्द्र भण्डारी ६ सय ५७ मत पाएसंगै विजयी भएका छन् ।
दोर्दी गाउँपालिका १ मा कांग्रेस उम्मेदवार लक्ष्मीप्रसाद अधिकारीले ६ सय ८२ मत ल्याएर वडाअध्यक्षमा निर्वाचित भएका छन् । दूधपोखरी गाउँपालिका १ मा कांग्रेसका दुर्गामान गुरुङले ४ सय ८१ मत ल्याएर वडाअध्यक्षमा निर्वाचित भएका छन् ।

माओवादी केन्द्रतर्फ राइनास नगरपालिका १ मा विष्णु पौडेलले ३ सय ५८ मत ल्याएर वडाअध्यक्षमा निर्वाचित भएका छन् । दूधपोखरी गाउँपालिका २ मा माओवादी केन्द्रका अमर गुरुङले ६ सय ६८ मत ल्याएर वडाअध्यक्षमा विजयी भएका छन् ।